What Is Ethical Hacking? Complete Info About Hacking And Their Types In Hindi

Today, mai aapse ek bahut hi interesting topic par discuss karne wala hoon. You know what is Ethical Hacking? kya aap jaante hai ki hacking kya hota hai. Mai batata hoon hacking ka seedha meaning chori karna hota hai. Heheh! is type ki chori se mera matlab kuch aur hai jo mai aapko samjhata hoon.

We all know ki aaj technology ki duniya hai. Pehle ki tarah aaj kuch bhi nahin hai in fact aaj sab kuch badal sa gaya hai. For example aap professionally kisi company me job kar rahe hai ya phir aapka khud kia business hai.  In dono jagah par 90% aapka kaam digital ho gaya hai. Digital se mera matlab hai ki ab log bina Computer aur Mobile ko use kiye apna kaam nahin karte hai.

Technology ke aane se hum sabhi ke kaam karne ka tarika badal gaya hai. Aur isme koi doubt nahin hai ki isse hamara work load bhi bahut kam ho gaya hai. But point ye hai ki agar kisi cheez ki advantage hai to uska disadvantage bhi jarur hota hai. Simple word me kahe to agar koi cheez hamare liye achhi hai to wo buri bhi sabit ho sakti hai.

Private job, Government job, Bank, and Business in sabhi sector me Internet ka aaj bahut bara role hai. In sectors me jitne bhi kaam hote hai uski saari details and information Internet par store hota hai. Ab aise me koi in information ko hack (chori) karta hai to isko actually me Hacking kehte hai.

Is post me mai aapko bataunga ki Hacking Kya Hai? Hackers kaun hote hai? and Hacking kitne type ke hote hai.

Hacking Kya Hota Hai? What is Hacking In Hindi

Hacking ka seedha matlab hack (chori) karne se hai. Ye ek aisa online process hai jisme hacker (hacking karne wala) doosro ki information ko bina uski persmission ke hack karta hai. Hacking karne wale ko mainly Internet hacker ke naam se jana jata hai. Ek hacker ke liye bahut easy hota hai kisi bhi computer system aur network ki bugs (kami) ko dhoond kar uspar apna control banana. Iske liye computer programming and Internet ki bahut strong knowledge ki jarurat parti hai.

Hackers jada tar hacking karne ke liye apna personal computer aur separate virtual private network use kiya karte hai. Meri in sab baaton se aapko ye samjh aa hi gaya hoga ki hacking jo hai wo illegal hai. Exactly hacking jo hai wo illegal activities me aata hai aur hacking karne wale person ko iske liye penalty bhi lagti hai.

But wait ek aur baat jo mai aapko batana chahta hoon. You know hacking ko poori tarah illegal batana galat hoga because hacking ke kayi tarike hote hai. I mean kayi baar hacking karna galat nahin hota aur naa hi wo illegal activities me aata hai. Ab aap sochenge ki hacking me sahi galat ka kya matlab hai. Well aapka sochna sahi hai chaliye aapko batate hai.

Hacking Kitne Types Ke Hote Hai

Hacking mainly 2 tarah ka hota hai. Jisme ek ethical hacking hota hai jo poori tarah legal hai.

Ethical Hacking Kya Hota Hai? What Is Ethical Hacking In Hindi?

Is type ke hacking me hacker kabhi bhi kisi galat purpose se hacking nahin karta hai. Aaj jada tar companies hackers ko hacking karne ke liye khud hire karte hai. Isse wo khud ki system aur network me hack karwate hai jisse ki unko apne system ki bugs (kami) ka pata lag sake. Government sites, RBI and CBI jaise organizations me bhi aise hackers hote hai jinko hacking karne ke liye specially rakha hota hai. So aisa koi bhi hacking jisko achhe kaam ke liye hota hai wo ethical hacking kehlata hai.

Unethical Hacking Kya Hota Hai? What Is Unethical Hacking In Hindi?

Ye ek bahut bara issue hai jo jada tar aaj ke youth ke beech popular hai. Because yaha har koi na koi aise problems ko face kar chuka hai. Is type ke hacking me hackers aapke personal information ko hack karte hai. Mera matlab ki Credit/Debit crad number, Bank account details and others. Online kisi bhi tarike ki spam message aur phising link send kar ke logo ka data steal (churaana) karna Unethical hacking hota hai.

Hackers Kitne Type Ke Hote Hai

Generally hackers 3 tarike ke hote hai White hat hacker, Black hat hacker and Grey hat hacker.  Inme se white hat hacker legally ethical hacking ke rules ko follow karta hai. In short white hat hacker achha hota hai jo kisi bhi tarike ki illegal activities nahin karta hai. Black hat hackers sirf galat kaam karte hai aur grey hat hackers ka role in dono tarike ke kaam me hota hai. Simply kaha jaaye to ye dono hi hackers (चोर) hote hai aur ye society ke layak nahin hai.

White hat hacker ka mainly yehi role hota hai ki wo in dono type ke hackers ke attack se hume safe rakhta hai. So that’s why bari bari companies jaise ki MNC aur Government project ko safe rakhne ke liye White hat hacker ko appoint kiya jata hai.

  1. White Hat Hacker  Is tarah ke hackers Black hat hacker ka just opposite kaam karte hai. Aise hackers ka kaam poori tarah legal hai aur iske liye unko khud par proud bhi hota hai. In hackers ko institute ke through certified hacker ka title diya jata hai. In hackers ko apne life living ke liye kisi bhi achhi company me job mil jata hai.
  2. Grey Hat Hacker  In hackers ke mind ka kuch kaha nahin ja sakta. Ye basically legal and illegal dono hi type ke hacking karte hai. Illegal activities karne ke peeche unka koi galat iraada nahin hota hai. Wo log bas hacking skills ko badhaane ke liye aur seekhne ke liye aisa karte hai.
  3. Black Hat Hacker  Ye wo hackers hai jo bina permission ke kisi ka computer system hack kar lete hai. Aise log ka hacking karne ke peeche unka bahut bura ganda iraada hota hai. Ye normally logo ko target kar ke unke personal information jaise ki ATM password, Social account details and Corporate data etc ko chura lete hai.
Final Word

Internet ke is duniya me aaj har insaan Mobile or Computer chalata hai. Aise me wo online different cheezo ka istemaal karte hai.Internet ko safely use karne me hi hum sab ki bhalai hai. So agar aap bhi ek regular Internet user hai to aapke liye Hacking word ke bare me jaana bahut jaruri hai.

Is post me maine hacking kya hai? aur sath hi Ethical hacking aur different type ke hackers ke baare me aapko bataya hai. I hope ki post aapko pasand aaya hoga so please is postko social media par share kare aur other logo tak ye baat pahuchaye. Internet related aur bhi tips and trick regular hindi me read karne ke liye subscribe kijiye. Please like my Facebook Page

    1. RAHUL December 22, 2016

    Add Your Comment

    CommentLuv badge